ल्होम्बाँस युवा क्लबद्वारा ३४ औं वार्षिकोत्सव तथा हिन्दुहरूको महान पर्व विजया दशमीको पावन अवसरमा आयोजित साविक वडास्तरीय खुल्ला पुरुष भलिबल प्रतियोगिता तथा विविध साँस्कृतिक कार्यक्रमको समापन हिजो मिति २०७९ असोज २९ गते सभ्य र भव्यताकासाथ सम्पन्न भएको छ ।
 |
| सम्मान ग्रहण गर्दै प्रमुख अतिथि |
कार्यक्रमको प्रमुख अतिथि चापाकोट नगरपालिकाका नगर प्रमुख एवम् विकासप्रेमी युवा नेता देव बहादुर खाँण (इश्वर) रहनु भएको थियो । विशिष्ट अतिथिमा उपमेयर इशा राना, जिल्ला समन्वय समिति स्याङ्जाका सदस्य गिता खाँण, चापाकोट नगरपालिका वडा नं. ४ का वडाध्यक्ष अर्जुन कुमार खाँण तथा नेपाली कांग्रेसका युवा नेता शेषकान्त पुरी लगायतका रहनुभएको थियो । अन्य अतिथीहरुमा समाजसेवी, क्लवको संस्थापकहरु, भू.पू. खेलाडी, नगर वडा समितिका पदाधिकारी, राजनितीक दलका पदाधिकारी, आमा समूह, छिमेकी गाउँका युवा क्लबका पदाधिकारीहरु एवम् अन्य पाहुनाहरु र दर्शकहरुको बेजोड उपस्थिति रहेको थियो ।
कार्यक्रममा क्लवको सचिव पूर्ण बहादुर परियारद्वारा स्वागत मनतव्य व्यक्त भयो । उहाँले नगर प्रमुख तथा अन्य पदाधिकारीहरु समक्ष लग्दा गाउँको शिक्षा, सडक, विकास निर्माणको कार्यहरू लगायत अन्य क्षेत्रहरुमा गाउँबासीले खेप्नुपरेको समस्याको बारेमा प्रस्ट्याउँदै उक्त समस्यालाई राम्ररी सुल्झाउन जनप्रतिनिधिहरु समक्ष आग्रह गर्नुभयो ।
कार्यक्रममा विशिष्ट अतिथीको रुपमा रहनुभएको नगरपालिका उपप्रमुख ईशा रानाले ल्होम्बाँस क्लवले ३४ औं वार्षिकोत्सव मनाउन सफल भएकोमा क्लव परिवारलाई बधाई दिँदै प्रत्यक्ष निर्वाचित जनप्रतिनिधि भएको हैसियतले नगर तथा गाउँको विकासमा आफूहरु सक्रिय भूमिका निर्वाह गर्ने बचनबद्धता गर्नुभयो । एवम् रितले, चापाकोट वडा नं. ५ निवासी नेपाली कांग्रेसका युवा नेता शेषकान्त पुरी ज्यूले गुरुङहरुको बाहुल्यता रहेको लग्दाबासीलाई गुरुङहरुको गौरवपूर्ण इतिहास, अस्थित्व तथा वर्तमान अवस्थाको बारेमा संक्षिप्त विवेचना गर्दै भलिवल खेल, यसको सुरुवात, हालसम्मका ऐतिहासिक उपलब्धिहरु र खेलाडीहरुका राष्ट्रप्रतीको दायित्वहरु समेतका बारेमा प्रष्ट्याउँदै मन्तव्य व्यक्त गर्नुभयो ।
कार्यक्रमको प्रमुख केन्द्रबिन्दुको रुपमा रहनुभएको मेयर देब बहादुर खाँण (इश्वर) ले लग्दा गाउँको निम्ति आफू नगर प्रमुख पदमा निर्वाचित भएको दिनदेखि नै लागि परेको र आगामी दिनमा पनि लागिपर्ने कुरामा विश्वस्त गराउनुभयो । उहाँले हाल निर्माणधिन लग्दा क्होइबो धिं निर्माण कार्य सम्पन्नताको लागि नगरपालिकाबाट आवश्यक बजेट विनियोजन गर्ने र ३४ औं वार्षिकोत्वको अवसरमा आयोजित भलिवल प्रतियोगिताको प्रथम पुरस्कार प्रायोजन गर्ने प्रतिबद्धता जाहेर गर्नुभयो ।
 |
| सम्मान गर्दै एम्पायर रोसन गुरुङ |
कार्यक्रममा अतिथि, खेल सञ्चालक एम्पायर, सम्पूर्ण प्रायोजक तथा सहयोग दाताहरुलाई मायाँको चिनो वितरण र सम्मान पश्चात् खेलकुदका विभिन्न विधामा उत्कृष्टता एवम् स्थान हाँसिल गर्न सफल प्रतियोगितीहरुलाई पुरस्कृत गरियो ।
 |
| सम्मान ग्रहण गर्दै किसान गुरुङ |
पुरस्कार वितरणसंगै ल्होबाँस युवा क्लबले क्लबका सदस्य तथा उदायमान खेलाडी किसान गुरुङलाई राष्ट्रपति रनिङ शिल्डमा प्रदेशको कप्तानी गर्दै गाउँको गौरवलाई उच्च बनाएकोले मायाको चिनो प्रदान गरि सम्मान गरेको छ ।
कार्यक्रममा ल्होबाँस युवा क्लबका सदस्य, स्थानीय कलाकारहरू तथा अतिथी कलाकारहरुद्वारा गायन तथा नृत्य प्रस्तुति भयो । कार्यक्रम क्लबको अध्यक्ष खिम बहादुर गुरुङको अध्यक्ष्तामा सञ्चालन भएको थियो भने कार्यक्रम सञ्चालन रुद्र गुरुङ द्वारा भएको थियो । कार्यक्रमको केही अंशहरु क्लबको फेसबुक लाइभद्वारा पनि प्रत्यक्ष प्रसारण भएको थियो ।
